Prezident va Al-Xorazmiy maktablariga tayyorlov

Botda test yechish qo'llanmasi

Ro'yxatdan o'tishdan natijani olishgacha. Hammasi besh daqiqada tushunarli bo'ladi.

Bot: @math_test_result_bot

Botni toping va boshlang

Telegram qidiruviga @math_test_result_bot deb yozing va Start tugmasini bosing.

Bot ikki narsani so'raydi — ism va telefon raqami. Bu bir marta qilinadi.

Ism va familiyangizni yozing

👋 Assalomu alaykum! Botdan foydalanish uchun avval o'zingizni tanishtirasiz. 1/2 — Ism va familiyangizni yozing. Ko'rinishi: Ism Familiya

Palonchi Pistonchi

Haqiqiy ism-familiyangizni yozing — natijalar ro'yxatida shu ism chiqadi. Taxallus yoki emoji qabul qilinmaydi.

Telefon raqamingizni yuboring

2/2 — Endi telefon raqamingizni yuboring. Pastdagi «📱 Raqamimni yuborish» tugmasini bosing.

📱 Raqamimni yuborish

Raqamni qo'lda yozmang

Faqat tugma orqali qabul qilinadi. Qo'lda yozsangiz bot rad etadi — chunki tugma sizning haqiqiy raqamingiz ekanini kafolatlaydi.

Guruhingizga tushdingizmi?

O'qituvchingiz raqamingizni oldindan guruhga qo'shib qo'ygan bo'lsa — avtomatik guruhingizga tushasiz va hamma narsa ochiq bo'ladi.

Agar «🙋 Siz mehmon sifatida kirdingiz» degan xabar chiqsa, raqamingiz hali qo'shilmagan. Shunda:

👤 Profilim ga kiring
📩 Guruhga qo'shilish so'rovi tugmasini bosing
O'qituvchilarga ismingiz va raqamingiz bilan xabar boradi

🙋 Mehmon

Raqamingiz hali guruhga qo'shilmagan

Ochiq testlarni yechasiz
Natijangiz keladi — ball, foiz, xato savollar
Kanaldagi TOP-10 ga chiqasiz

Guruh testlari ko'rinmaydi
O'sish dinamikasi yo'q
Guruh va umumiy reytingda qatnashmaysiz

👨‍🎓 Guruh o'quvchisi

O'qituvchi raqamingizni guruhga qo'shgan

Mehmondagi hamma narsa
Guruhingizga yo'llangan testlar — nazorat ishlari shu yerda
📈 O'sish dinamikasi — oylar bo'yicha natijangiz o'sayaptimi
🎯 Fanlar bo'yicha — qaysi fanda zaifsiz, guruh o'rtachasi bilan solishtirib
👥 Guruh reytingi — sinfingizda nechanchisiz
⚠️ O'tkazib yuborgan testlar — nimani qoldirganingiz
🏆 Umumiy reyting — barcha guruhlar bo'ylab

Guruh o'quvchisi bo'lish uchun to'lov yoki kod kerak emas — o'qituvchi telefon raqamingizni ro'yxatga qo'shsa bo'ldi.

Testni boshlang

Test kanalda e'lon qilinadi — savollar fayli va test kodi o'sha yerda. Ikki yo'l bor:

Oson yo'l: kanaldagi e'lon ostidagi «📝 Javob yuborish» tugmasini bosing — bot sizni to'g'ri testga olib boradi
Ikkinchi yo'l: botda «📝 Javob yuborish» → test kodini yozing (masalan ZEAGB9)

Agar test bir nechta variantli bo'lsa, bot qaysi variant berilganini so'raydi. Varaqangizdagi variantni tanlang — xato variant tanlasangiz javoblaringiz noto'g'ri tekshiriladi.

Javoblarni yozing

Bot turli shakllarni tushunadi. Qaysi biri qulay bo'lsa, shuni yozing:

ABCDA — ketma-ket, eng tez

A B C D A — bo'shliq bilan

1a 2b 3c 4d 5a — raqamlab

1-a, 2-b, 3-c — chiziqcha va vergul bilan

Javob bermagan savol o'rniga _ qo'ying: AB_DA — bu uchinchi savol javobsiz degani.

Yuborgandan keyin bot javoblaringizni ko'rsatadi va tasdiq so'raydi. Diqqat bilan tekshiring — tasdiqlagandan keyin o'zgartirib bo'lmaydi.

ABCDEABCDE

🔍 Javoblaringizni tekshiring: 1-10 A B C D E A B C D E Jami: 10 / 10 javob berilgan Hammasi to'g'rimi?

Natijani kuting

Ball darhol ko'rsatilmaydi. Test vaqti tugagach natijangiz o'zi keladi:

To'g'ri, xato va javobsiz savollar soni
Ballingiz va foizingiz
Nechanchi o'rin egallaganingiz
Qaysi savolda nima xato qilganingiz

Shu bilan birga kanalga TOP-10 ro'yxati joylanadi.

Nega ball darhol chiqmaydi?

Birinchi topshirgan o'quvchi javoblarni boshqalarga aytib bermasligi uchun. Hamma teng sharoitda ishlaydi.

Menyudagi tugmalar

Mehmonda 📈 Mening tahlilim bo'lmaydi — qolgan to'rt tugma bir xil.

📈 Mening tahlilim ichida besh bo'lim bor:

Bot shunday deganda nima qilish kerak

Bot xabari	Ma'nosi va yechimi
Siz 28 javob yubordingiz, testda 30 savol bor	Javoblar soni mos emas. Qaytadan sanab yozing yoki javobsiz savol o'rniga `_` qo'ying.
«E» harfi bu testda yo'q	Bu testda faqat A–D bor. Varaqangizni tekshiring.
Bunday kodli test topilmadi	Kod xato yozilgan. Kanaldagi e'londan qaytadan ko'chiring.
Bu test hali boshlanmadi	Vaqt kelmagan. Xabarda qancha qolgani yozilgan.
Test vaqti tugagan	Kechikdingiz, javob qabul qilinmaydi. Keyingisini o'tkazib yubormang.
Siz bu testga javob yuborgansiz	Har testga bir marta javob beriladi. Natija test tugagach keladi.
Raqamni qo'lda yozib bo'lmaydi	«📱 Raqamimni yuborish» tugmasini bosing.

Nusxa ko'chirmang

Bot ikki o'quvchining javoblarini solishtiradi. Bir xil savollarda bir xil xato qilgan bo'lsangiz, o'qituvchiga xabar boradi. To'g'ri javoblarning mos kelishi tabiiy — gumon tug'diradigani bir xil xatolar.

Uchta oddiy qoida

Javobni yuborishdan oldin tasdiq oynasini o'qing · Test boshlanishini kutib, vaqtida topshiring · Savol bo'lsa o'qituvchingizdan so'rang.

Yordam kerak bo'lsa botda /help yozing. Biror amalni bekor qilish uchun — /cancel.